Connect with us

Wararka Somali

Somaliland oo ka jawaabtay war ay Puntland kasoo saartay imtixaanaadka…

Wararka Maanta

Jimco, Juun, 11, 2021 (Wararka-Maanta) – Wasaarada waxbarashada Somaliland, ayaa xagjirnimo ku tilmaantay go’aan ay Puntiland ku sheegtay in ay imtixinaaadka shahaadiga ah ee Somaliland kaga mamnuucayso gobolka Sanaag.Qoraal ay soo saartay wasaarad waxbarashada Somaliland, ayaa lagu sheegay in wasaarada waxbarashadu ay u xilsaarantahay kobcinta aqoonta iyo garaadka bulshada isla markaana imtaxanaadka ay qaadaysay muddo 25 sano.

“Wasaarada waxbarashada Somaliland waxay u xilsaarantahay in bulshada aqoontooda iyo garaad kooda la kobciyo, 25 sano ee u danbeeyay waxa si habsaami ah imtaxaan ka looga qaadayay dhamaan ardayda dalka” ayaa lagu yidhi qoraalka.

Wararka Maanta :   Ciidanka Danab oo bur-buriyey saldhigyo ay Al-Shabaab ku lahaayeen SH/...

Wasaarada waxbarashada ayaa go’aanka dowlad goboleedka Puntland ku tilmaantay mid xag jir ah oo sharciga baal marsan.

“Waxaanu baraha bulshada ku aragnay warqad kasoo baxday maamul goboleedka Puntland ee Soomaaliya oo u jeedadeedu tahay khal khal galinta goobaha imtaxaanaadka shahaadiga ah ee qaybo kamida dalka”.

“Wasaarada waxbarashadu waxay u aragtaa qoraalkaas hadal xagjirnimo ah, oo aan sharciyad ku dhisnayan, oo aan haba yaraatee wax samayn ah ku yeelan doonin howlaha qaadista imtaxaanaadka shahaadiga ah” ayaa lagu yidhi qoraalka.

Wararka Maanta :   Wararkii ugu Danbeeyey Arintii Turkiga Ku Dhacday oo Haysata imaaraadka...

Wasaarada waxbarashada ayaa maamulka gobolka Badhan fartay in ay fiiro gaara u yeeshan dhaqdhaqaaqyada Puntland.

“Waxanu maamulka gobolka Bahdan faraynaa, in ay fiiro gaara u yeeshaaan, hadalka xagjirnimo da ah si aan waalidiinta iyo ardayda loo galin dareen aan jirin”ayaa lagu yidhi qoraalka.

Hadalka kasoo baxday dowlad goboleedka Puntland, ayaa imanaya xili 19 bishan Juun imtixanaadka shahaadiga ah looga fadhiisan doono guud ahaan Somaliland.

Abdilahi Abdi Rahman,

Wararka-Maanta

Wararka Somali

Turkey oo masaafurinaya nin Japanese ah oo arrin yaab leh dalkaas ka s…

Wararka Maanta

Istanbul (Wararka Maanta) – Muwaadin u dhashay dalka Japan ayaa lagu wadaa in dowladda Turkiga ay masaafuriso kadib markii ay booliska magaalada Istanbul ku ganaaxeen dilka iyo cunista Biyadaha, sida uu baahiyey wargeyska Daily Sabah.

Wargeyska ayaa sheegay in Ninka Japanese-ka uu ku dhawaad saddex sanno deganaa degmada Kucukcekmece ee magaalada Istanbul, isaga oo dhowr jeerna la arkayey isaga oo baaldi ku sita bisado dhowr ah.

Qof kamid ah dadka deegaanka ayaa wargeyska u sheegay inuu arkay Ninkaas oo sita Shan bisado ah, kaasi oo ugu dambeyntii ku wargeliyay booliska toddobaadkii lasoo dhaafay.

Wararka Maanta :   Dhalinyaradii hoggaamineysay banaanbixii maanta oo xabsiga la dhigay -...

Booliska ayaa xiray Ninkaan, wuxuuna qirtay inta ay wareysiga ka qaadayeen inuu ceeji ku dilo oo uu cuno bisadaha. Waxaana lagu riday ganaax lacageed oo dhan 10,375 Lira oo u dhiganta 1,212 doollarka Mareykanka ah.

“Waxaa loo wareejiyay Ninkaan Japanese-ka ah xarun u xilsaaran masaafurinta ajaanibta,” ayaa lagu yiri warbixinta uu daabacay wargeyska Daily Sabah.

Si kastaba, Istanbul ayaa waxay caan ku tahay bisado badan oo aan deegaan laheyn, waxayn kamid tahay magaalooyinka Turkiga ee ay bisado kor u dhaafaya 125-kun ay daryeel u fidiyaan mas’uuliyiinta iyo bulshadu.

Wararka Maanta :   Mareykanka oo ka digay xaaladda ammaan ee Soomaaliya iyo dalal kale - ...

Wararka Maanta!

Continue Reading

Wararka Somali

Gudoomiyihii xilka laga qaaday ee Gobolka Gedo oo lagu xanibay…

Wararka Maanta

Gudoomiyihii hore ee Gobolka Gedo, Cismaan Nuur Xaaji (Macalimuu) ayaa sheegay in isaga iyo xubno kale oo gobolkaasi ka soo jeeda ay ku xaniban yihiin Magaalada Muqdisho.

Gudoomiyaha ayaa Taliye Kuxigeenka Hay’adda Nabad Suggida & Sirdoonka Qaranka (NISA), Cabdullaahi Kullane ku eedeeyay inuu ka hor istaagay in ay ka dhoofaan Garoonka Aadan Cadde.

“Waxaan ku xayiranahay magaalo madaxda Muqdisho, keligeena maaha waa masuuliyiintii iyo intii dhammaan ka soo jeeday Gobolka Gedo. Waa siyaasiyiintii, odayaashii iyo dadkii waxgaradka ahaa ee gobolka ka soo jeeday.” Ayuu yiri Gudoomiyihii hore ee Gobolka Gedo oo la hadlay BBC.

“Dhammaan waxaa na lagu hortaagan yahay Garoonka Aadan Cadde.” Ayuu yiri isagoo intaa ku daray “Saraakiisha hoggaamineyso NISA ayaa nagu hortaagan. Nin la yiraahdo Cabdullaahi Kullane ayaa meesha nagu hortaagan.”

Wararka Maanta :   Sirdoonka Maaliyadeed ee Imaaraadka oo heshiisyo Is-afgarad ah la saxiixday...

Sababta loo hor istaagay oo la weydiiyay ayaa ku jawaabay “Dadkaa waxa loo celinayo waa in dalkii doorasho u socdo, oo aysan wax dooranin, sida dhammaanteen aan is tusnay Xildhibaanada inaanan la dooranin. Dadku waxgarad weeye, waxaa loo socdaa dhammaan in deegaanada laga soo doorto Xildhibaanada. Waxaa socdo Xildhibaanadii ka soo jeeday gobolka, Odayaashii Dhaqanka, Siyaasiyiintii, Wariye-yaashii iyo hooyooyinkii, oo u socdo gobolkii.”

Macalimuu ayaa yiri “Taliye Kuxigeenka NISA, Cabdullaahi Kullane ayaa wuxuu go’aansaday inuu ku celiyo dadka Garoonka Aadan Cadde, arrintaasina sax maaha, mana suurtagelayso. Haddaan nahay siyaasiyiintii waxaan diyaar u nahay arrintaasi inaan si dhab ah ugu istaagno, ugana hadalno.”

Wararka Maanta :   Mareykanka oo ka digay xaaladda ammaan ee Soomaaliya iyo dalal kale - ...

“Waxaa Muqdisho iigu yeeray Madaxweynihii dalka Somaliya u sareeyay iyo nin Xaashi la yiraahdo, waxaan imid Muqdisho ayaga dartood ayaan u imaaday, waxaana ku xayiranahay sagaal bilood oo berri ama berri damaa baxeysaa la leeyahay, anna inaan hotel iska jiifo sax maaha. Markaan imidna talooyinkii koobaad ee la ii soo jeediyay waxaa ka mid ahaa dalka dibadiisa inaan isbitaal u aado, anigana maahi nin xanuunsan, isbitaal wax aan ka raadinayana haddee ma jiraan.” Ayuu yiri Macalimuu.

Macalimuu ayaa meesha ka saaray suurtagalnimada inuu qorsheynayo xaalad amni oo uu ka abuuro Gobolka Gedo, marka uu dib ugu laabto, sidaasina loo maleynayo inay dowladdu ugu diidan yahay inuu xilligan dib ugu laabto gobolkaasi.

Wararka Maanta :   Sarkaal ka tirsanaa ciidanka Gorgor oo lagu dilay magaalada Muqdisho

“Gobolka Gedo waan u dhashay, meel aan colaad u quuro maaha, haddii aan colaad gelinayana anoo la i soo khasbin, ciidan-na uusan i soo qaadin oo aanan xirnayn oo ciidan wataa diyaarad ka soo raacay, haddaan wax khasayo ama aan rabo inaan colaad geliyo anoo xilka la’iga qaadaa dagaalami lahaa, anigana inaan ku dagaalamo Gobolka Gedo diyaar uma ihi, waxaan u diyaarsanahay dowlad kasta oo shaqaynayso inaan ku garab istaago.” Ayuu yiri Macalimuu oo intaasi raaciyay “Maalintii la i bedelay illaa iyo hadda dowladda waan la shaqaynayay, waana garab taagnaa.”

Taliska Hay’adda NISA ayaan ka jawaabin eedeyntan ugu dambeysay ee kaga timid Cismaan Nuur Xaaji (Macalimuu), Gudoomiyihii hore ee Gobolka Gedo.

Nagala soo xiriir Wararka Maanta

Wararka Maanta!

Continue Reading

Wararka Somali

In kabadan 700 oo caruur ah oo lagu dilay Soomaaliya sanadkii 2020- sida…

Wararka Maanta

Talaado, Juun, 22, 2021 (Wararka-Maanta) – In ka badan 700 oo caruur ah ayaa lagu diley ama lagu naafeeyey Soomaaliya sanadkii 2020 kadib xadgudubyo ay geysteen kooxda  Al-Shabaab, ciidamada dowladda, maleeshiyo beeleedyo iyo AMISOM, sida  lagu sheegey warbixin cusub oo ay soo saartay Qaramada Midoobay.Warbixinta ayaa xustay in 222 carruur ah la dilay halka 481 la naafeeyey. Tirada kamid ah dhibbanayaasha oo dhan 252 waxaa lagu eedeeyay Al-Shabaab halka ciidamada dowladda  ay mas’uul ka ahaayeen 43 kiis.

Wararka Maanta :   Xaaladda Xerada General Dhega-badan, ka dib weerarkii maanta...

Warbixintu waxay sidoo kale ciidanka Booliska Soomaaliya ku sheegtay in ay ka masuul yihiin 35 kiis oo lagu dhibaateeyay carruurta, halka dowlad goboleedyada kiisas intaas ka yar laga diiwaan galiyay deegaanadooda

Khasaaraha ugu badan oo gaaraya 158 kiis, waxaa warbixinta lagu sheegay inay ka dhasheen waxyaabaha qarxa ee macmalka ah waxaana ku xiga is rasaaseyn dhex martay kooxo hubeysan oo ay ku wax yeeloobeen 155 carruur ah.

Ciidamada Amisom ayaa sidoo kale lagu sheegay in ay geysteen shan kiis, halka ciidamada difaaca Kenya ay warbixinta ku xustay saddex kiis. Waxaa jirta tiro dhan 296 kiis oo dusha loo saariyay kooxo hubaysan oo aan la aqoonsan.

Wararka Maanta :   Sirdoonka Maaliyadeed ee Imaaraadka oo heshiisyo Is-afgarad ah la saxiixday...

Warbixinta ayaa sidoo kale xustay in 1,442 wiilal ah iyo 53 gabdhood oo qaarkood ay da`doodu yartahay sideed sano ay qoreen Al-Shabaab iyo Ciidamada Amniga Soomaaliya ee heer federaal iyo heer dowlad goboleed.

Kiisaska badankooda oo gaaraya 1,169  waxaa qortay Al-Shabaab, waxaana ku xigay 100 kiis oo ka tirsan Ciidanka Booliska Soomaaliyeed halka 74 ka mid ah ay qorteen Ciidanka Xoogga Dalka.

Wararka-Maanta

Continue Reading

Wararka Somali

Raysal Wasaaraha Soomaaliya oo madaxweynayaasha dowlad goboleedyada ugu…

Wararka Maanta

Talaado, Juun, 22, 2021 (Wararka-Maanta) – Ra’iisul Wasaaraha xukumadda Federaalka Soomaaliya Maxamed Xuseen Rooble ayaa ku casuumay madaxda Golaha Wadatashiga Qaran shir Sabtida ka dhacaya magaalada Muqdisho.Raysal Wasaaraha ayaa sheegay in shirkaan la isaga xog wareysandoono waxyaabihii ka qabsoomay arrimaha doorashooyinka tan iyo heshiiskii 27-kii May iyo dardar gelinta shaqooyinka harsan.

Qabashada shirkan ayaa ku yimid kulan qadka foggaan araga ku dhexmaray Ra’iisul Wasaare Rooble, Madaxweynayaasha Dowlad Goboleedyada iyo Guddoomiyaha Gobolka Banaadir, waana wada hadalkii ugu horeeyay ay masuuliyiintu yeeshaan tan iyo heshiiskii doorashada ee 27 May.

Wararka Maanta :   RW Rooble oo shir guddoomiyay Shirka Golaha Wasiirada (SAWIRRO)

Shirka Muqdisho lagu qabandoono ayaa kusoo beegmaya xilli jadwalkii doorasho ee lagu heshiiyay uu ka harsan yahay muddo bil iyo todobo cishe.

Tallaabooyinka ugu muhiimsan ee horay loo qaaday waxaa kamid ah in isbedel lagu sameeyay guddiyadii doorashooyinka ee cabashadu ka taagnayd iyo dhismaha guddiga amniga doorashada oo raysal wasaaruhu hormuud u yahay.

Marka la eego shaqooyinka harsan iyo waqtiga la haysto oo aad u yar, waxaa hubanti la’aan ah in doorashada waqtigeeda dib uga dhicidoonto.

Wararka Maanta :   Dalalka Khaliijka 'oo soo jeediyey' dalab cusub oo la xiriira wada-had...

Wararka-Maanta

Continue Reading

Wararka Somali

Daawo: Xaguu marayaa dagaalka culus ee ka socda gobolka Shabeellaha Dh…

Wararka Maanta

Jowhar (Wararka Maanta) – Afhayeenka ciidanka xoogga dalka Soomaaliyeed G/Sare Cali Xaashi Cabdi oo warbaahinta la hadlay ayaa faahfaahin ka bixiyey dagaalka u dhexeeya Militeriga Soomaaliya iyo dagaalamayaasha Al-Shabaab ee ka socda deegaano badan oo ka tirsan gobolka Shabeellada Dhexe.

Ciidanka xoogga dalka ayaa haatan guluf dagaal oo xoog leh ka wada gobolka Shabeellada Dhexe, waxaana ciidanka hor-kacaya Taliyaha guud ee Militeriga Soomaaliya Odawaa Yuusuf Raage.

Afhayeenka ayaa sheegay in saacadihii u dambeeyey ay kooxda ka dileen ku dhawaad 20 dagaalame, isla markaana ay kala wareegeen deegaano dhowr ah, sidoo kale waxa uu sheegay in dad shacab ah oo ay Al-Shabaab dhibaateeyeen ay gargaar u fidiyeen.

Wararka Maanta :   Duulimaadyada tooska ah ee Soomaaliya iyo Kenya oo maanta dib u...

“Howlgalladii maalmahaan ka socday Sh/Dhexe deegano badan ayaan ku xoreynay, shalay iyo maanta dagaalku waxa uu ka socday deegaanada Araxley, Cali-fooldheere iyo Qurac-madoobe, intaas waa dhul keyn ah oo aad ay ugu dhoomaaleysan jirtay kooxdu, waxaan ku dilnay 17 xubnood oo ka tirsan kooxda Al-Shabaab, welina dagaalku waa socdaa,” ayuu yiri Cali Xaashi Afhayeenka ciidanka xoogga dalka.

Sidoo kale Afhayeenku waxa uu sheegay in hadafkooda uu yahay in guud ahaan gobolka Shabeellada Dhexe laga cirib-tiro kooxda Al-Shabaab, wuxuuna xusay in ciidan boolis ah oo ka socda dowlad goboleedka HirShabeelle ay qeyb ka yihiin howlgalka,.

Wararka Maanta :   Qarax Ismiidaamin ah oo ka dhacay Saldhiga ciidanka deegaanka Biyo Cadde ee...

“Go’aanka ay qaadatay wasaaradda gaashaandhigga, si gaar ah Taliyaha ciidanka xoogga dalka Odawaa Yuusuf Raage, waa in nabadiidka Al-Shabaab laga xoreeyo gobolkaan iyo guud ahaa wadanka oo dhan,” ayuu yiri Afhayeenka Militeriga Soomaaliya G/Sare Cali Xaashi Cabdi.

Deegaano badan oo muhiim ah oo dhaca gobolka Shabeellada Dhexe ayaa todobaadyadii u dambeeyey ka baxay gacanta Al-Shabaab, waxaana guud ahaan gobolkaas ka bilaawday duulaan ka dhan ah Al-Shabaab, iyadoo furimaha hore ee dagaalka lagu arkay Odawaa Yuusuf Raage oo ah sarkaalka ugu sareeya ciidanka xoogga dalka.

Wararka Maanta :   Dhalinyaradii hoggaamineysay banaanbixii maanta oo xabsiga la dhigay -...

Hoos ka Daawo Afhayeenka

Wararka Maanta!

Continue Reading

Wararka Somali

Guddoomiyaha xisbiga Waddani oo xukuumada ku eedeeyey in anay ku…

Wararka Maanta

Talaado, Juun, 22, 2021 (Wararka-Maanta) – Guddoomiyaha xisbiga Waddani Cabdiraxman Maxammed Cabdilahi (Cirro),ayaa sheegay in xukumadu anay ku qanacsanayn aqlabiyada isbahaysiga mucaaradka.Guddoomiyaha ayaa yidhi” xukuumadu 30 keedi xildhibaana 52 ayay ka dhigaysa, 52 xildhibaan ee mucaaradkana 30 bay ka dhigaysa”.

Cirro ayaa ku andacooday in loobahanyahay in xukuumadu iimaansato qaybta ay doorashadi ka heshay.

“Xukuumadu waa in ay iimaansata aqlabiyadu halka ay martay” ayuu yidhi guddoomiye Cirro.

Cirro ayaa sidookale sheegay in shacabku isbadal u codeeyeen isbadalkiina dhacay.

Wararka Maanta :   Sarkaal ka tirsanaa ciidanka Gorgor oo lagu dilay magaalada Muqdisho

“Shacabku waxay u codeeyeen is badal, waxayna aqlabiyadoodi u codeeyeen 52 kaa xildhibaan oo kamid ah 82 xildhibaan ee golaha” ayuu yidhi guddoomiye Cirro.

Isbahaysiga mucaaradka Somaliland ee UCID iyo Waddani, oo haysta aqlabiyada golaha wakiilada, ayaa dadaal ugu jira sidi ay ugu guulaysan lahayeen shirgudoonka golaha.

Abdilahi Abdi Rahman,

Wararka-Maanta

Continue Reading

Wararka Isbuuca