Connect with us

Warka Caalamka

In ka badan 30 Ruux oo ku dhimatay Shil tareen – Wararka Maanta: Somali News…

Wararka Maanta

Laba tareen oo xawli ku socday ayaa isku dhacay koonfurta Pakistan, halkaas oo ay ku dhinteen ugu yaraan 30 qof oo rakaab ah, sida ay sheegeen masuuliyiin ka tirsan dowladda Pakistaan.

Saraakiisha Caafimaadka ee tuulooyinka ayaa  ka shaqeynaya sidii ay u soo saari lahaayeen dadka dhintay iyo kuwa dhaawacmay ee kujira burburka tareenada hoostooda ah.

Ilaa 25 rakaab ah ayaa wali ku xayiran burburka tareenka Millat Express masuuliyiintuna waxay isku dayayaan inay abaabulaan mashiinno culus si loo soo badbaadiyo dadkaas oo dalbanaya in la caawiyo, ayuu yiri Umar Tufail, oo ah taliyaha booliska ee degmada Ghotki ee gobolka Sindh, halkaas oo uu shilka ka dhacay.

Wararka Maanta :   Qodob ka mid ah heshiiskii doorashada ee xiisadda Gedo oo maanta la fu...

Muuqaalo lagu duubay taleefanka gacanta ah oo laga daawaday telefishanka kana soo muuqday goobta ayaa waxa ka muuqday bur-burayka tareenada iyo dad dhinacyadooda jiifa oo loo maleynayo inay dhinteen.

Muuqaalada TV-ga ayaa muujinayay gawaarida gurmadka deg-degga ah oo qaadaya dhaawacyada rakaab isbitaalada si loogu daaweeyo, iyad aoo ay jiraan dad ku hoosjira tareenada Shilka galay.

Shilalka tareenada ayaa dhowr jeer ka dhacay Gudaha dalka Pakistan, waxaana bishii Oktoobar ee sanadkii 2019 uu dab qabsaday tareen ka baxay magalada Karachi, iyada oo ay  ku dhinteen 75 ruux halka laba tareen oo isku dhaay Magalada Karachi sanadkii 2016-kii  ay ku dhinteen 21 qof.

Wararka Maanta :   Qaxooti horleh oo soo gaaray degaannada Puntland - Wararka Maanta:...

Wararka Maanta!

Warka Caalamka

QM oo sheegtay in Soomaaliya ku kordheen tacadiyada ka dhanka ah…

Wararka Maanta

Warbixin kasoo baxday Qaramada Midoobay ayaa waxaa lagu sheegay inay aad u kordheen xadgudubyo laga argagaxo oo lagula kaco Carruurta ku nool wadamo ay kamid tahay Soomaaliya.

Warbixintan oo sanadkiiba mar kasoo baxda Qaramada Midoobay ayaa waxaa lagu sheegay in  ugu yaraan 19,379 carruur ah ay dhibanayaal u noqdeen xadgudubyo waaweyn oo isugu jira askarayn iyo kufsi xadhaaf ah.

Dalalka ugu badan ee tacadiyada ka dhanka ah Carruurta ay ka dhaceen ayaa waxaa Warbixinta ku sheegtay in laga diiwaan galiyay wadamada Afghanistan, Jamhuuriyadda Dimuqraadiga ee Congo (DRC), Soomaaliya, Yemen & Suuriya.

Wararka Maanta :   Toogashada Mareykanka oo faraha kasii baxeysa - Wararka Maanta: Somali...

“Iska horimaadyada hubeysan iyo tixgalin la’aanta sharciga caalamiga ah ee bini’aadamnimada iyo sharciga caalamiga ee xuquuqda aadanaha ayaa saameyn ba’an ku yeeshay ilaalinta carruurta, ”ayaa lagu yiri warbixinta.

In ka badan 8,400 oo carruur ah ayaa lagu diley ama lagu dhaawacay dagaallada socda waddamadan. Ku dhowaad 7,000 oo kale ayaa loo qorey askarayn dalalka DRC, Soomaaliya, Suuriya, iyo Myanmar ayaa sidoo kale lagu sheegay Warbixinta QM.

Warbixintan kasoo baxday Qaramada Midoobay ayaa waxaa ay kusoo aaay xilli labadii sano ee la soo dhaafay meelo badan oo kamid ah Soomaaliya laga diiwaangeliyay kiisas la xiriira kufsi iyo dil loo geystay Carruur farabadan.

Wararka Maanta :   Waa kuma Ebrahim Raisi - Muxaafadka mayalka adag ee loo doortay madaxw...

Wararka Maanta!

Continue Reading

Warka Caalamka

Xukuumadda Sweden oo Weyday Kalsoonida Baarlamanka

Wararka Maanta

STOCKHOLM(Wararka Maanta)-Dowladdii Sweden ayaa maanta la riday kadib markii Stefan Lofven uu noqday ra’iisul wasaarihii ugu horreeyey dalka ee waaya codka kalsoonida, taasi oo macnaheedu yahay inuu is-casilo ama ku baaqo doorasho deg deg ah.

Mooshinka codka kalsoonida ayaa lagu ansixiyey ayada oo ay taageereen aqlabiyadda xildhibaano gaaraya 181 oo ka mid ah 349-ka kursi ee baarlamanka.

Mooshinka ayaa waxaa Khamiistii diiwaan geliyey xisbiga midigta-fog ee Sweden Democrats (SD), kadib markii Lefty Party, oo taageerayey dowladda uu ku dhowaaqay inuu qorsheynayo inuu taageero mooshinka, si uu ashtako uga muujiyo mashruuca ay dowladda ku qafiifineyso xakameynta kirada guryaha, taasi oo ay ugu yeereen tallaabo lagu weeraray hanaanka bulsho ee Sweden.

Wararka Maanta :   Suxufiyadda Christiane Amanpour oo uu Haleelay Xanuunka Kansarka

Xisbiga muxaafadka ee Moderate Party iyo xisbiga Christian Democrats ayaa sidoo kale deg deg ugu dhowaaqay inay taageerayaan tallaabadan, taasi oo xaqiijisay aqlabiyad.

Lofven waa ra’iisul wasaarihii ugu horreeyey dalka ee waaya codka kalsoonida, waxayna ka dhigan tahay inay burburtay dowladdii ay ku mideysnaayeen xisbiyada Social Democrat iyo Green Party.

Xasaraddan ayaa waxaa dhaliyey mashruuc weli maraya xaalad horudhac ah, oo dib u habeyn loogu sameynayo maamulka dowladda ee kirada guryaha, kaasi oo albaabada u furaya in dadka leh daaraha cusub ee la dhisayo ay ayaga goyn karaan qiimaha kirada.

Wararka Maanta :   Farmaajo oo farriin u diray Xoghayaha Guud ee Qaramada Midoobay -...

Qorshahan ayaa waxaa loo arkay mid halis ku ah hanaanka bulsho ee Sweden iyo dadka kireysanaya guryaha.

Lofven ayaa waxa uu hadda haystaa hal toddobaad, si uu go’aan uga gaaro inuu ku baaqo doorasho deg deg ah, ama uu is-casilo, taasi oo macnaheedu yahay in afhayeenka baarlamanka uu billaabi karo wada-xaajoodyo u dhaxeeya xisbiyada si ay usoo doortaan musharax buuxin kara xafiiska.

Wararka Maanta!

Continue Reading

Warka Caalamka

Toogashada Mareykanka oo faraha kasii baxeysa – Wararka Maanta: Somali…

Wararka Maanta

Ugu yaraan 7 qof ayaa lagu dilay 44 kalena waa lagu dhaawacay, kadib markii toogasho wadareedyo toddobaadkan ay ka dhaceen guud ahaan Mareykanka, sida lagu sheegay xog ay sii daayeen gudiga kormeerka xaquuqda aadanaha ee Mareykanka.

Diiwaanka Rabshadaha ayaa waxaa lagu sheegay in toogashadaan ay ka qayb ahaayeen dadka macangaga ah ee Qoryaha kuwata dalkaasi, waxaana  taasi wehliyay  in 10 toogasho wadareed ay  ka dhaceen  sagaal gobol, oo ay ku jiraan New Jersey, Virginia, California, iyo Alaska.

Wararka Maanta :   Wasiirka Arrimaha Dibedda oo ballan-qaaday runta kiiska dhallinyarada ...

Ugu yaraan hal cunug iyo tiro dhalinyaro ahaa ayaa ka mid noqday dhaawacyada, sida ku xusan diwaanka warbixinta, taas oo inta badan ku saleysan natiijooyinka warbixinnada.

Sannadkan waxaa Mareykanka ka dhacay toogasho wadareedyo gaaraysa 294, sida ku cad diwaanka dhacdooyinka Dalka Mareykanka, iyada oo intaas sii raacisay in 20,694 qof lagu dilay rabshadaha qoryaha fudud. In ka badan 11,352 oo ruux  ayaa iyagu si iskood isku dilay.

Wararka Maanta!

Continue Reading

Warka Caalamka

Itoobiya oo Doorasho Looga Dareeray

Wararka Maanta

ADDIS ABABA(Wararka Maanta)-Dadweynaha Itoobiya ayaa saaka u dareeray goobaha codbixinta, iyagoo dooran doona 547 xildhibaan.

Xildhibaanada lasoo dooranayo waxay ku biiri doonaan baarlamaanka federaalka dalkaasi, xisbigii ugu cod bataana wuxuu iska soo dhex xuli doonaa ra’iisul wasaaraha.

547 goobood ayaa loo asteeyay in ay noqdaan deegaan doorashada baarlamaanka iyada oo 102 goobood oo kuwaasi kamid ah aanay furmin sababo amni darro awgood.

38 deegaan doorasho oo ku yaalla deegaanka Oromada ayaa lagu soo warramayaa in aanay ka dhacayn wax doorasho ah colaado ka jira awgood.

Wararka Maanta :   Wasiirada Arrimaha dibedda Turkiga, Afgaanistan iyo Iiraan oo kulan...

Sidoo kale, deegaanada Soomaalida iyo Hararida ayaaney doorasho ka dhaceyn, iyadoo la qorsheeyey iney halkaasi doorasho ka qabsoonto bisha September ee inagu soo fool leh.

Doorashadan waa tii uggu horeysay tan iyo intii uu xukunka qabtey ra’iisal wasaare Abiy Axmed sanadkii 2018-kii.

Wararka Maanta!

Continue Reading

Warka Caalamka

Murashaxiin Soomaali ah oo ka tartamaya magaalooyinka waa weyn ee…

Wararka Maanta

Saxarla Cabdullaahi, waxay ka sharaxan tahay magaalada Addis Ababa, waxeyna u tartameysaa baarlamaanka federaalka Itoobiya, waana gabadha keli ah ee Soomaali ah ee Addis ababa ugga tartameysa baarlamaanka federaalka.

Fa’isa Maxamed Cumar, iyaduna waxay ka sharaxan tahay Addis Ababa, waxay u tartameysaa Golaha Maamulka magaalada Addis Ababa, iyadoo ah gabadhii uggu horeysay oo Soomaali ah oo baarlamaanka magaalada Addis Ababa isu soo sharaxday.

Labadan habloodna waxay matalayaan xisbiga talada haya ee PP ama Barwaaqo. Soomaalida kuma badna iney inta badan iska sharaxaan magaalooyinka waa weyn ee dalka Itoobiya.

Wararka Maanta :   Somaliland: Ardayda dugsiyada sare iyo dhexe oo u fadhiistay imtixaanka...

Wararka Maanta

Wararka Maanta!

Continue Reading

Warka Caalamka

Weerar dad lagu dilay oo ka dhacay Itoobiya – Wararka Maanta: Somali…

Wararka Maanta

Madaxda Itoobiya ayaa ku eedeeyey dagaal yahanada la mamnuucay ee OLA weerarka lagu diley sagaal qof daafaha magaalada caasimadda ee Addis Ababa.

Dadka la diley ayaa waxaa kamid ahaa shaqaalaha dhismaha buundada degmada Metta Wolkitte, oo 100km u jirta caasimadda, sida uu u sheegay BBC-da madaxa degmada Dirirsa Wakuma.

Wuxuu intaa ku darey mas’uulkani in dadka la diley uu kamid ahaa ruux cabitaanka bunka ah ku iibinayey wadada hareeraheedda.

Dagaal yahanada ayaa u sheegay shaqaalaha dhismaha buundada iney joojiyaan, laakiin way sii wadeen shaqada, maadaama uu ka baqayey inuu waayo shaqadiisa, sidaasi waxaa sheegay mid kamid ah qaraabada dhibanayaasha.

Wararka Maanta :   Weerar dad lagu dilay oo ka dhacay Itoobiya - Wararka Maanta: Somali...

Dhacdooyinkan oo kale maaha kuwo ku cusub ciidamada dowladda federaalka Itoobiya, maadaama uu wali socdo dagaalka ay kula jiraan kooxaha ka dagaalamaya galbeedka iyo koonfurta gobolka Oromada.

Saraakiisha ayaa sheegay in kastoo ay jiraan walaac la qabo oo ku saabsan ammaanka, haddana inaaney saameyneyn doorashada guud ee dhaceysa maanta oo Isniin ah.

Wararka Maanta!

Continue Reading

Wararka Isbuuca